...... البيتزا .....

موضوع: ...... البيتزا ..... الجمعة أبريل 01, 2016 9:16 pm

...... البيتزا .....

(و كيفية الحفاظ على الجبنة الموزاربلاوجعلها طرية وتشد مثل اعلانات البيتزا )

مقادير العجينة :
1 كيلو دقيق
معلقه صغيرة ملح
معلقه صغيرة سكر
20 جرام خميره فوريه
ربع كوب زيت زيتون
حوالى نصف لتر ماء دافىء للعجن

الطريقه
هجيب الدقيق وهحط عليه الزيت والسكر والملح والخميره وهقلبهم كويس بعد كده هحط المايه الدافيه وهبداء بالعجن كويس جدا لحد ما العجينه تتماسك معايا هركنها على جنب واغطيها ببلاستيك لحد متخمر وابدا اجهز فى الصوص بتاعى
مكونات الصوص :
بصله مفرومه
2 فص ثوم مفروم
معلقه صغيره زعتر
معلقه ريحان بودره او فريش
معلقه صغيره روزمارى
2 معلقه صلصه بوريه
3 كوب عصير طماطم
ملح فلفل اسود

فى حله ع النار فيها شويه زيت بسيطه جدا بنزل بالبصل المفروم وبقلب كويس وقبل مالونه يغير بنزل بالثوم وبقلب كويس بعد كده الصلصه البوريه وبقلب كويس بعد كده عصير الطماطم وبسيبها تتسبك وبعد كده بضيف الزعتر والروزمارى والريحان والملح والفلفل
عمل البيتزا والتسويه
بعد خمران العجينه ببداء بتشكيلها وتقطيعها لو صينيه حجم 30 بقطع قطعه العجينه حوالى 250 جرام ده مهم جدا عشان التسويه تطلع صح بعد كده بفرد العجينه كويس
بالمردانه وبحطها فى الصينيه وبسيبها حوالى ربع ساعه قبل التسويه وقبل محط مكونات البيتزا عليها وبعد كده بشوكها بشوكه عشان متقبش منى فى الفرن وبضيف الصوص وبضيف مكونات البيتزا اللى بحبها زى التونه والانشوجه او السلامى او الخضار او فلفل بكل الالوان - بصل - مشروم - طماطم مقطعة حلقات - زيتون – الفراخ السوتيه او الحمبرى او السى فود او اى شىء بتحبوه
وندخلها الفرن حوالى 20 دقيقة او لحد ماتستوى
( وبعد خروج البيتزا من الفرن وتم تسويتها اقوم بوضع الجبنة الموزاريلا المبشورة عليها وادخلها الفرن لمدة دقيقتين فقط حتى تبقى الجبنة طرية وتشد زى اعلانات البيتزا )

وبالهنااااااااااااا والشفااااااااااا

بوركت جهودك

» صلصة البيتزا
» أقراص البيتزا
» البيتزا السايله
» عمل البيتزا للمبتدئات بالتفصيل
» عجينة البيتزا السريعة