استيك فيليه تشيز سندوتش

#ستيك_فليه تشيز سندوتش وطريقه عمل صوص الجبنه

استيك شرائح شاورما
بصل
فلفل اخضر اختيارى
ملح ، فلفل
توم بودر
ورشيستر صوص ممكن نستغنى عنه
مشروم
زيت زيتون ، زبده
مايونيز
جبنه شرائح بروفولون او اى نوع
موتزريلا
بارميزان

تتبيله اللحمه فى حاله لو مش متاكدين من طراوه اللحمه لانها مش هتاخد تسويه كتير على النار
خل
رشه بيكنج صودا
سكر
توم بودر
بصل بودر
ملح ، فلفل
زيت زيتون
ومعلقتين من الميه

-فى طاسه غير لاصقه نضع زيت وزبده ونشوح اللحمه حتى تاخد لون وتدخل فى السواء ونشيلها على جنب

- مكان اللحمه نضع زيت زيتون وزبده ونشوح المشروم يدوب يدبل وياخد لون بسيط نضع البصل و ممكن نزود فلفل اخضر واحمر شرائح ونقلب ونرش فلفل وملح خفيف

- نرجع اللحمه مره اخرى مع الخضار ونظبط الملح والفلفل ونضيف صوص الورشيستر وعلى الوش نضع الجبنه ونغطيها دقائق لحد ما تسيح ونعمل احلا سندوتشات ندهن الخبز بالمايونيز ونضع الحشو ويقدم أكلتك المفضلة

- كمان السندوتش ده بدل الجبنه بيتقدم مع صوص الجبنه

- صوص الجبنه عباره عن معلقه كبيره نشا ندوبها فى كوب حليب على البارد ثم نضعه على النار مع التقليب لحد ما يتقل بسيط ويبدا فى الغليان نضيف جبنه شيدر مبشوره ورشه ببريكا وملح وفلفل ورشه توم بودر ولو متاح نضيف معلقه كبيره جبنه كريمه بطعم الشيدر او شريحتين من جبنه البرجر ونطفى النار ونترك الجبنه حتى تسيح ويضاف الصوص على السندوتش

الله عليك ياميرفت . اعزمينا عليه بقى ههههههههه
تسلم ايدك يا ست الكل