عجينة السكر بالبيت

عجينة السكر بالبيت

المهم لقيت اسهل طريقة فيها سكر بودر وكورن سيرب ونشا ومية وانا عجبتنى انها سهلة كله على بعضة وخلاص
طيب مفيش كورن سيرب نعمل ايه بقى فكرت ايه اللى يشبه الجلوكوز هو العسل اقرب شئ وعملت اول تجربة ليا وطلعت تحفة لا وايه عملت لون ببلاش من غير ماا شترى لون وده من شوكليت الفرماسية البواقى اي لون منه عندك اطحنية ولوني بيه

نيجى بقى للطريقة
3 كوب سكر بودرة(متشتريهوش جاهز ما احنا قولنا مش هننزل من البيت وفرى واطحنيه فى البيت ناعم اوى اقولك ازاى ؟

اطحنى شوية صغيرين فى كل مرة يجى تلت كوب كدة وهتلاقيه بيطحن ناعم جداااا)
نص كوب نشا
نص كوب عسل(بدل الجلوكوز)
2 م ص ماء
وهتعجنى كله مع بعضه لغاية ما تلم معاكى وتلاقيها بتتشكل وممكن تضيفى ماء لو محتاجة بس بالملعقة الصغيرة
طيب لوهتلونى حطى نقط من اللون واعجنى تانى (انا بقى عملت اللون ده من شوية فورماسية لونهم بمبا كانوا فايضين عندى وحطيت بدل المية مغلى كركدية مركز وانتى ابدعى فى اى شئ عندك ممكن مية البنجر او عصير لونة قوى وهكذا)ممكن قهوة تدوبيها فى كام نقطة مية وتعملى لون بنى
سيبيها ترتاح كام ساعة فى التلاجة قبل الشغل بيها ومغلفة بلبلاستيك
لما تبداى تشتغلى افردىها على سكر بودر او نشا اللى تحبية ومش تفرديها رفيع اوى عشان مش تتقطع منك
شوفى الخطوات
طحنت حوالى 3 م ك فورماسيل لونها وردي

وبعدين ضفت ليه حوالى نص كوب سكر بودر
وملعقة كبيرة ممسوحة نشا وملعقة كبيرة عسل وكام نقطة مية لغاية ماتلم معاكى

السلام عليكم ورحمة الله وبركاته

جزاك الله خيرا على هذا الموضوع الرائع

» *عجينة القطايف*
» المارشميلو بالبيت
» الكريمة اللباني بالبيت
» بسكوت السكر بالشكولاتة
» االكريمة اللباني بالبيت