فوق الوصف ,,

موضوع: فوق الوصف ,, الجمعة سبتمبر 12, 2014 11:22 am

بعيش عمرى ماخدت فى بالى ,, امتى تعدى فى عمرى ليالى
يوم ورا يوم ولاعمرها فرقت , عايش يومى تمللّى فى حالى ,,

لكن فجأه لقيت الدنيا ,, لونها اتغير وبقت وردى
ولقيت قمرى بنوره بيطلع ,, والسما صافيه ليّا لوحدى

قولت اشوف ايه اللى اتغير ,, لقتيتك انتى ياوش السعد
معقول هيا ,, ؟ مبقتش مصدق انى بكلمك انتى بجد

صوتك رقه سمعته بقلبى ,, وضحكه رقيقه بتعزفى بيها
نسمه وبسمه وروح مبتسمه , محتار ازاى اوصف فيها

سهرتينى وماقادر انساكى ,, حتى النوم مخاصمنى الليله
كل مابسمع همس كلامك ,, بحلم انى فى دنيا جميله

ياعمرى تعالى وريحى بالى ,, نفسى بجد تكونى معايا
تنورى عمرى وكل حياتى , وتكونى ليّا فرحى وهنايا

بحبك يمكن ,, عشقتك ممكن ,, لانك انتى فوق الوصف
ومهما اوصف ياروحى فى خصالك ,, هتفضلى دايما فوق الوصف

جمـــال ســـلمى .

» فوق الوصف