مستنيكى تقولى بحبك

مستنيكى تردى عليا وتقولى ليا مره بحبك
مستنيكى تنظرى ليا تشوفى فى عنيه شوق وتحسى مكانه قلبك
أتكلم واحكى ,, واستناكى تحكى ,, ترد عنيكى عليا بنظره
وكل منايا اسمع منك مره بحبك تحيى فؤادى وشوقى لبكره

عنيكى فيها كلام وحنين ,, معرفش لمين ,, يمكن ليا
وقلبك حاسس منه موده وشوق فى الغربه ولهفه عليا
وأسال اسأل امتى ياروحى تجاوبى سؤالى
بتحبينى ؟؟ نفسى اسمعها ,, كلمة بسيطه تريح بالى
دانتى بقيتى حياتى ,, املى ,, حلم مشارك عمرى ليالى
فى نومى فى سهرى ,, فى شمسى فى قمرى ,, بقيتى حقيقتى وكل خيالى
فى فرحى وجارحى وكل جوارحى طيف وبشوفه تلمى قبالى
وبعد ده كله عايزانى اسال ليه ماتجاوبى عليا سؤالى
بحبك ,, بحبك ,, كلمه بقولها ونفسى اسمعها تطمن بالى
وهفضل دايما مستنيكى تردى عليا وتقولى ليا مره بحبك
حتى ياعمرى لو ضاع عمرى هتفضل روحى تملى ّ تقولك
جاوبى وردى ,, بتحبينى ياريت تقوليلى على اللى فى بالك
وهفضل احلم يوم بجاوبك وهيفضل املى تملّى فى ردك
بحبـــــــــــــــــــك

جمـــال ســـلمى