الكنافه بحشو المهلبيه

لمقادير :
كنافه / سمنه سايحه / معلقتين سكر/
الحشو :
مهلبيه لبن :
بغلي نص كيلو لبن ع نار وبدوب السكر حسب الرغبه فيه وبدوب ملعقتين كبار كريم شانتيه مع ملعقتين كبار لبن نيدو وبشويه مايه تدوبيهم وتحطيهم ع اللبن ولو مش عاوزة كريم شانتيه ولبن نيدو براحتك بس بيدي طعم حلو اوي ودسامه للمهلبيه واحط كيس فانيليا ياخدو غلوة مع بعض بدوب حوالي معلقه كبيره او اكتر شويه نشاء حسب ما تتماسك معاكي المهلبيه بشويه مايه صغيرين وبضفهم لحد ما تتماسك وتاخد غلوة وترفع من ع النار استني لم تبرد وبعدين احطها ع الكنافه
الشربات :
كوبيتين سكر/ كوب ونص ماء / ليمون / كيس فانيليا
الطريقه :
عمل الشربات :
نضع السكر ع مايه ونضعه ع نارعند الغليان نعصر ليمون نتركه ع نار هاديه يغلي لحد ما يتقل شويه وبعدين رشه فانيليا وبعدين نطفي عليه نتركه يبرد شويه وبعدين ادخله التلاجه يسقع
* نشغل الفرن يسخن ونظبطه ع 180
* نقطع الكنافه بالمقص الخاص بالمطبخ او الايد وبفتفتها وبعدين نحط عليها السكر ومقدار من السمن ونقلبها كويس اوي لحد ما الكنافه تشرب من السمن هنجيب الصينيه وادهنها سمن نحط جزء من الكنافه ونضغط عليها كويس اوي بالايد وبعدين نضع الحشو وبعدين الجزء التاني من الكنافه ونضغط عليها كويس ونظبها ونحط سمنه ع الوش
* ندخل الصينيه الفرن لحد ما تاخد الكنافه لون دهبي وتخرج من الفرن تسقي بالشربات البارد نتركها تشرب كميه الشربات وبعدين بقلب الصينيه ع طبق التقديم وزينتها بجوز هند محمص ع الوش وبالهنا

السلام عليكم ورحمة الله وبركاته

جزاك الله خيرا على هذا الموضوع الرائع

» خبز الصاج بحشو اللحوم البارده
» #بسكويت القرفه بحشو المكسرات
» توست بحشو الفاكهة الجافة
» كب كيك الكنافه
» الكنافه النابلسيه