حلمت مره حلم

انا حلمت حلم مزعج ونفسى اعرف تفسيره أيه .

حلمت انى كنت فى رحله مع زوجى وبنتى (عمرها 3)سنوات
والمفروض ان فى الرحله دى هنعدى جسر او هنمشى على حجاره كبيره فى البحر علشان نوصل لبرج أثرى او معبد مثلا أو مبنى قديم من ايام الفراعنه ..وكنا جروب كبير بس انا كنت شايفه جوزى وبنتى وبس .المهم ابتدينا نعدى من فوق الحجاره الضخمه دى ورا بعض وانا امسك بيد بنتى ماسكه محكمه جدا من خوفى عليها (وللعلم انا أصلا لا أحب البحر ولا النزول فى الميه حتى لو اتيحت ليا الفرصه فى المصايف مثلا أو الرحلات )وبعدين واحنا تقريبا فى نصف المسافه اللى المفروض نعديها حصل ان البحر هاج وأرتفعت مياهه الى أعلى بسرعه غير عاديه و أبتدت الميه تغطى أجسامنا وتزيد حتى غطت وجه بنتى الصغيره وانا أضرخ وامسك بيدها بقوه فائقه وتحرك الجميع وابتدوا فى الاسراع والصعود الى اعالى الحجاره حتى يتفادو علو المياه وزادت أصوات الصراخ فى كل مكان وظللت اجرى وانا امسك بيد ابنتى واحاول الصعود الى اعلى حجر استطيع الوصول اليه لانجو بابنتى ووسط هذا الهياج والصراخ كنت اسمع صوتى انا فى اذنى انادى باعلى صوتى على زوجى ولكنى لا اره وأبتدت المياه ان تدخل بداخل فمى . وأستيقظت مفزوعه ..وكان الحلم كانه حقيقه حتى اننى استيقظت من نومى وكان طعم المياه المالحه بفمى .....فهل من تفسير ؟
أرجو الرد ..فقد حاولت ان أقرا عن تفسير الاحلام لاعرف معنى هذا الحلم ولكنى لم اصل لتفسير ..أسفه على الاطاله ..فى انتظار رد من يستطيع أو يعلم أشكركم جدا

أشكرك ملكه جدا ..
تفسيرك للحلم خلانى بصراحه اخد بالى من جوانب فى حياتى ما كنتش واخده بالى منها علشان افسر الحلم ده .. لانى كنت مركزه كل التركيز على ان الحلم ده مؤشر او علامه على قرب موت احد افراد اسرتى وبلاخص ابنتى لانها هى الوحيده التى غمرتها المياه باكملها فى الحلم لصغر حجمها .أو ان هذا انذار موجه لى انا حتى اهتم اكتر بشئون دينى وأكثر من اعمال الخير حتى اتفادى اى ضرر يحدث لعائلتى ..مثلا .
ولكن تفسيرك أفدنى جدا والله .وأشكرك جدا جدا على الاهتمام .

.وتقبلى خالص تحياتى واحترامى

موضوع رائع ومهم جداااا



سلمت يميناك



على ماسطرت



دمتى ودام قلمك