قصه تيران وصنافير بس الحقيقية

لو حابب تعرف فى نقاط قصه تيران وصنافير بس الحقيقية ... بعيد عن بوست الدوله العثمانيه المحفوظ 1905 >> وبالبلدى جدا نجاوب على كل نقطه ..
1- تأسست المملكه العربيه 1935 وفضلت تتوسع طبعا لحد الجزر تيران وصنافير كما هو موضح بالخريطه ..
2 - السعوديه كانت تملك اكبر احتياطى للنفط فى العالم .. فامريكا بتحبها لمصلحتها طبعا .. فمينفعش تخسر السعوديه ..
3 - كان فى حروب بين مصر واسرائيل واسرائيل كانت محتله ام الرشراش (إيلات حاليا )
4- امريكا نصحت السعوديه بترك الجزيرتين لمصر لانهم جزر استراتيجيه كموقع جدا والمنفذ الوحيد لاسرائيل واسرائيل تسعى لاحتلالهم هى وسينا وعلشان السعوديه متدخلش فى حرب مع اسرائيل طبعا كل ده علشان النفط فقط لا غير .
5 - تنازلت السعوديه للسياده المصريه او بمعنى اصح للسيطره عليهم ولكن مش تنازل ملكيه يعنى متبقاش ملك مصر . طبعا مصر هاتبقى مستفاده من كده انها هاتزنق على اسرائيل . اول لما مصر اعلنت ان الجزر تحت السياده المصريه اسرائيل اعلنت ام الرشراش مدينه اسرائيليه .
6 - جمال عبد الناصر امم قناة السويس راح العدوان الثلاثى دخل علينا وخد كل حاجه بما فيهمم الجزرتين . بعد دحر العدوان توقف الهجوم ورجعوا تانى الجزر واخد بالك رجعوا تانى للسياده المصريه وكانت فى حرب بردو هاتبقى بين مصر واسرائيل
7- جمال عبد الناصر كان بعد العدوان الثلاثى علشان يضغط على اسرائيل كان لازم فى كل خطاباته يكون قوى وويعلن بردو ان حدود مصر من بينها الجزر دى اللى هى المنفذ الوحيد لاسرائيل على البحر الاحمر .
8- كما هو موضح بالخريطه احنا نملك مضيق تيران وليس جزيره تيران وشوف الخريطه بنفسك اهو ...
9 -قامت حرب 67 وراحت اسرائيل احتلت بردو سينا من تانى والجزر وبقت بتاعت اسرائيل . وخدتهم من تانى كل ده بقى بعيد عن السعوديه
10- بعد حرب 73 وتحرير سينا فضلت الجزر تحت الاحتلال من اسرائيل
11- لم تتركهم اسرائيل إلا بعد تنفيذ إتفاقية طابا عام 1989 و بموجب إتفاقية كامب دافيد لا يمكن أن تمنع مصر الملاحة الإسرائيلية فى خليج العقبة .
12 - وخلاص على كده ومن ساعتها بقت الجزر عليها حمايه دوليه .. طيب ما تيجى نعمل جسر بين مصر والسعوديه علشان بقى نشغل الدنيا شويه بدل ما الدنيا بتقع كده . بس هاحمى الجسر منين ياعم احمد وانا اصلا عامل اتفاقيه ممنوع احط هناك قوات عسكريه
13 - طيب خلاص نرجع الحق لاصحابه بقى .. خدى ياسعوديه انتى كده كده مفيش اتفاق بينك وبين اسرائيل ولا كامب ديفيد تقدرى تحطى حمايه عسكريه على الجزر بتعتك وتحملنا الجسر علشان نستفاد منه بعائد 200 مليار . وبكده ابقى استفدت بس من الجزر والجسر اللى هايبقى عليه حمايه
14 - انسى البوست بتاع الدوله العثمانيه لان الشخص اللى كتبه قالك مفيش قوات بحريه للسعوديه مع ان السعوديه كانت ساعتها عندها دوله كبيره اوى خلاص وبتحميها
15 - كلام عبد الناصر كان كله كلام سياسى علشان الحروب وعلشان خاطر يوكد ان الجزر بتعتنا واحنا بنخق عليكم ومش هاتقدروا تعدوا للبحر الاحمر . وخلص الكلام وعاوز تصدق صدق مش عاوز تصدق . عيش فى الوهم وخليك اقرأ البوست بتاع الدوله العثمانيه

بوركت جهودك

» وثائق اعتراف مصر بـ"تيران وصنافير" جزر سعودية..