منتديات جمال سلمى الاسلامية العامه
ادارة منتدى جمال سلمى الاسلاميه ترحب بالاعضاء والزوار وتتمنى لهم قضاء وقت ممتع ومفيد وتمنع نشر الموضوعات التي تخدش الحياء العام لاعضاء المنتدى وزواره واعلم ان مساهماتك شاهد لك لاعليك

منتديات جمال سلمى الاسلامية العامه

منتدى إسلامى - ثقافى - اجتماعي
 
الرئيسيةالبوابةاليوميةمكتبة الصورس .و .جقوانين المنتديالتسجيلدخول
اللهم اجعلني خيرا مما يظنون ولا تؤاخذني بما يقولون واغفر لي ما لا يعلمون.
يسر ادارة منتديات جمال سلمي الاسلامية العامة ان ترحب بك زائرا وتدعوك للتسجيل معنا للاستفادة منا وافادتنا بافكارك التي تطرحها معنا في المنتدي  
 اللهم احفظ هذا البلد امنا مطمئنا واجعل من اراد بمصر و شعبها شرا كيده فى نحره يارب العالمين
كل لحظة تجمعنا اليوم قد لا تتكرر غدا فلنبقي الحب والأخوة 
رباط ود لا يقطعه قول قاس أو ظن سيء أو استهتار جارح
بحـث
 
 

نتائج البحث
 
Rechercher بحث متقدم
المواضيع الأكثر نشاطاً
مدونتي الخاصة " لحن الوفاء "
عبّر عن أحساسك بكلمه
لعبة ألف نخلة
مسابقة في القرآن الكريم " متجدد "
مآبنكسر صآبر لوفرصتي تمضي..والحظ لو [عآثر]..بصنع أنآ..[حظي]
أعترف بحالتك ,,
أكثروا من قول لا إله إلا الله
سًجلــيٍ حضـوركِ اليومــيٍ بصًــوٍرة طُفــلٍ ..
لهجـــات الشعــوب العربيـــه ( هيــا شاركنا بلهجتك )
توثيق ثورة 25 يناير 2011 كما دونها / طارق عقل الجزء الاول
أفضل 10 أعضاء في هذا المنتدى
ماما مرفت
 
ملكة بكبريائي
 
جمال سلمى
 
عابرة سبيل
 
صمتى جوابى
 
مناره
 
هداية الله
 
دموع الصمت
 
أية الجزائرية
 
ahalam nuona
 
المواضيع الأخيرة
» سر فاتحة الكتاب .... جمال سلمى
الخميس أغسطس 23, 2018 6:48 am من طرف جمال سلمى

» نفحات ايمانيه من سورة الزمر
الخميس أغسطس 23, 2018 6:45 am من طرف جمال سلمى

» حيرة ورجاء .. جمال سلمى
الخميس أغسطس 23, 2018 6:43 am من طرف جمال سلمى

» عيد الاضحى المبارك
الخميس أغسطس 23, 2018 6:39 am من طرف جمال سلمى

» مناجاة .. .. .. جمال سلمى
الجمعة أبريل 27, 2018 10:33 am من طرف جمال سلمى

» علمتنى الحياة .. .. جمال سلمى
السبت أبريل 14, 2018 11:05 am من طرف جمال سلمى

» شركة تشطيب وديكورات (شركه عقاري للتنميه وإدارة المشروعات) 01020115116
الإثنين أبريل 02, 2018 4:24 pm من طرف زائر

»  شركة تشطيب وديكورات (شركه عقاري للتنميه وإدارة المشروعات) 01020115116
الأحد أبريل 01, 2018 4:07 pm من طرف زائر

»  ..هيا الى مغفرة من رب العباد. . جمال سلمى
الأحد أبريل 01, 2018 6:59 am من طرف جمال سلمى

» شركة تشطيب وديكورات (شركه عقاري للتنميه وإدارة المشروعات) 01020115116
السبت مارس 31, 2018 5:57 pm من طرف زائر

» شركة ديكورات (شركه عقاري للتنميه وإدارة المشروعات) 01020115116
الخميس مارس 29, 2018 11:50 am من طرف زائر

» شركات التشطيب في العبور (شركه عقاري للتنميه وإدارة المشروعات) 01020115116
الأربعاء مارس 28, 2018 5:08 pm من طرف زائر

» شركات التشطيب في العبور (شركه عقاري للتنميه وإدارة المشروعات) 01020115116
الثلاثاء مارس 27, 2018 4:06 pm من طرف زائر

» النقاب وراى الشرع فية ..
السبت مارس 10, 2018 9:16 am من طرف جمال سلمى

» همسات وذكريات. ٣ . جمال سلمى
الثلاثاء مارس 06, 2018 12:38 pm من طرف غروب الشمس

» شركة ديكورات وتشطيب (شركه عقاري للتنميه واداره المشروعات) 01020115116
الإثنين مارس 05, 2018 5:05 pm من طرف زائر

» شركات تشطيب وديكور (شركه عقاري للتنميه واداره المشروعات) 01020115116
الأحد مارس 04, 2018 4:07 pm من طرف زائر

»  شركات تشطيب وديكور (شركه عقاري للتنميه واداره المشروعات) 01020115116
السبت مارس 03, 2018 4:34 pm من طرف زائر

» شركات تشطيب وديكور (شركه عقاري للتنميه واداره المشروعات) 01020115116
الخميس مارس 01, 2018 4:54 pm من طرف زائر

» شركات تشطيب وديكور (شركه عقاري للتنميه واداره المشروعات) 01020115116
الخميس مارس 01, 2018 4:51 pm من طرف زائر

احصائيات
هذا المنتدى يتوفر على 351 عُضو.
آخر عُضو مُسجل هو shaimaaalmahdy فمرحباً به.

أعضاؤنا قدموا 24859 مساهمة في هذا المنتدى في 5391 موضوع
التبادل الاعلاني

انشاء منتدى مجاني



دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 الاهتمام بالزوجة ممكن مايكلفكش غير نص ساعة ف العربية او الميكروباص....

اذهب الى الأسفل 
كاتب الموضوعرسالة
ماما مرفت
نائبة المدير العام واستشارى المنتدى
نائبة المدير العام واستشارى المنتدى
avatar

انثى
عدد المساهمات : 6347
نقاط : 8775
تاريخ التسجيل : 16/08/2012
العمل/الترفيه : تخاف الله وتراقبه

مُساهمةموضوع: الاهتمام بالزوجة ممكن مايكلفكش غير نص ساعة ف العربية او الميكروباص....   الأحد فبراير 07, 2016 3:56 pm

-حبيبتي
*ايوة يا احمد
-العيال ناموا؟؟
*أها.. ليه؟
-طب تعالي
*ليه؟!
-عايزك لمدة ساعة تنسي انك مراتي و تيجي معايا.. ممكن؟
*يالهوي يا احمد خنتني؟؟!!
-ايه بالظبط ف اللي انا قلته اوحالك بالفكرة العظيمة دي؟؟؟
*ماهو عايزني أنسى اني مراتك ليه؟؟.. اكيد خنتني و هتقولي عايزك تسمعيني كأنك واحد صاحبي و تكوني هادية و الهري بتاع الرجالة ده!
-اهو انا عايزك تنسي انك واحده تحديدا عشان طريقة التفكير الحريمي دي!!..
هتيجي ولا مش هتيجي؟؟!!
*هاجي.. اما نشوف!
-ألبسي طيب و هستناكي ف العربية
*ألبس؟!.. و عربية؟!!.. اوباااا.. لا ده انت كده اتجوزت بقى مش خنتني بس!!..
اتجوزت عليا يا احمد؟!!!
-قسما بالله لو ما سكتي و دخلتي تلبسي و كنتي ف العربية كمان ١٠ دقايق، هتجوز ال ٣ اللي فاضلينلي ف خلال اسبوع!
*ماشي يا احمد.. اما اشوف!
--------------
**ف العربية**
*ها؟.. في ايه؟
-انسي انك مراتي الاول..
*ايوة يعني اعمل ايه؟؟.. اقلع الدبلة يعني و لا اعمل ايه؟!
-لا، يعني تحرري عقلك من روتين الجواز و قوالب الزوجات و غباء المحشي و البيتزات و ميكانيكيات الجري ورا العيال بالشبشب ف الشقة..
*انت لما بتطلب معاك فلسفة كدة بتبقى عملت مصيبة او ناوي تعمل مصيبة!..
أنجز، هببت ايه؟!!
(بيقف بالعربية)
-انزلي
*خلاص خلاص.. هسكت..
اديني نسيت اني مراتك.. قول يا فيلسوف!..
-فاكرة لما كنّا مخطوبين؟
*ايوة فاكرة!.. ها؟
-طب فاكرة احنا بقالنا اد ايه متجوزين؟
*عشر سنين.. في ايه يا احمد؟!!
-من وقت الخطوبة لحد دلوقتي، عشر سنين، احنا فين يا حبيبتي؟
راحت فين لهفتي عليكي؟.. راح فين حبي ليكي و سعادتي لما كنت أبص ف وشك؟؟.. راح فين شغفك و اهتمامك لما كنت اقعد اكلمك عن حاجة و انتي بتسمعيلي بمنتهى الاهتمام؟؟
راح فين اهتمامك بشعرك و جسمك و اكسسوراتك؟؟
راح فين البووت الشمواه اللي كنت بتهبل لما اشوفك لابساه؟
*عايز توصل ل ايه يا احمد؟!!
-أرجوكي جاوبي على أسئلتي.. انا حاسس بملل رهيب.. حاسس اني مش متجوز.. روتين حياتنا خانقني!..
و مش عارف اعمل ايه!.. و مش عارف اكلمك!..
كل مافتح الموضوع معاكي تهربي!
*عايز تعرف يا احمد؟؟؟
-ايوة عايز اعرف!
*مبدئيا البووت الشمواه رميته من خمس سنين بعد ما خلفت ملك
لانه داب و مكانش ينفع البسه.. و ماشتريتش تاني عشان الفلوس احنا أولى بيها ف مصروف البيت!..
اكسسواراتي مرمية ف درج الشوفينيرة ماليش نفس البسها عشان عينك مابقتش تشوفهم خلاص!..
شعري محتاج وقت و روقان بال عشان اهتم بيه زي الاول..
و الوقت اللي ههتم فيه بشعري ده، البيت و عيالنا أولى بيه عشان مش هنقدر نجيب شغالة!
جسمي باظ بعد ٣ ولادات قيصري!.. اللي هما عيالنا يا احمد!..
و محتاج عمليات شفط دهون و اشتراك نادي و Spa و دكتورة تغذية و..... و......و ......
-يا حبيبتي بس ال.........
*اما بالنسبة للملل اللي حضرتك حاسس بيه، انا حاسة اضعافه!..
ما بين شغلي و شغل البيت و الطبيخ و الغسيل و المواعين و المذاكرة للعيال و تدبير مصروف البيت و الجمعيات بتاعت مصاريف المدارس و الاجتماعيات اللي حضرتك راميها عليا كلها، انا نسيت أساسا اني متجوزة..
-ماشي انا عارف كل ده بس بر...........
*اللي انت و كل الرجالة مش فاهمينه ان الست بتتغذى حرفيا على الاهتمام الصادق من جوزها و راجلها!..
اخر مرة قلتلي تسلم ايديك على اكلة قطمت ضهري ف المطبخ عشان اعملهالك امتى؟؟
اخر مرة قلتلي انا بحبك يا مراتي يا ام عيالي ياللي جسمك باظ و سنانك اتسحب منها الكالسيوم بسببهم كانت امتى؟؟
اخر مرة لاحظت اني حوشت و اشتريت البرفيوم اللي انت بتحبه و حطيته و استنيتك كانت امتى؟
و انت جيت فضلت تتفرج على ماتش برشلونة!
-لأ بقى كله الا برشلونة!!
*هي برشلونة بس؟؟؟
و الاهلي و ريال مدريد و الإنتر و ماتشات اليد و الأخبار و القعاد على النت و أصحابك عالقهوة و الجرايد و الشغل و ...... و...... و......و......!!
-انتي عرفتي اسماء النوادي دي منين؟؟!
*ههههههه.. لأَنِّي مهتمة!!
مهتمة اعرف جوزي بيحب ايه!
-و كاتمة ف قلبك كل ده!!
*كاتمة عشان مابقاش الزوجه النكدية الرغاية اللي مش مقدرة تعب جوزها و مزاجه!!
-(نظرة صامتة).. بس انا........
*بس انت ايه؟
اقولك انا؟
بس انت راجل..
مش مستوعب ان الاهتمام بمراتك هيفرز ف جسمها هرمونات سعادة تخليها اجمل من كل الموديلز!
انت راجل و طبعك اناني مش هتشوف ولا هتحس غير باللي يروق مزاجك انت و بس!!
انت راجل و اختصرت حياتك الزوجية ف كارت البنك بتاع المرتب و ال..!
انت راجل و التصميم بتاعك متعارض مع مجرد الفهم ل ازاي تاخد بالك من مراتك الا ف اول ٦ شهور جواز و هي لِسَّه بخيرها قبل ما الزمن و الخلفة و المواعين و المطبخ يعلموا عليها!!
-كل ده!!!.. ده انتي معبية و شايلة مني اوي!!
*لا يا حبيبي مش شايلة..
انا تصالحت مع كونك راجل من زمان!!..
-طب غمضي عينك!
*هههههههه.. احنا ف الشارع!
-غمضي بس!
و ماتفتحتيش غير لما اقولك!
*ماشي بس بلاش تهور مش طالبة أقسام على آخر الزمن!
*ها؟؟؟
كل ده؟؟
-فتحي بقى!
*ايه ده؟.. احنا فين؟؟
-فاكرة بتاع العصير ده؟؟
*ايوة فاكراه!
ده اول مكان خرجنا فيه بعد كتب كتابنا!
-و جينا هنا اول مرة زي انهاردة من ١١ سنة بالظبط!
*و انت لِسَّه فاكر؟ ههههههه
-ايوة فاكر!..
و عارفة فاكر ايه كمان؟؟
*ايه؟
-انك يوميها كنتي لابسة البووت الشمواه!
(احمد بيمد إيده للكنبة اللي ورا و يجيب شنطة)
*ايه ده؟؟
-افتحيها!
(بتفتح الشنطة اللي جواها بووت شمواه جديد و كان على مقاسها بالظبط!)

الاهتمام بالزوجة ممكن يكون احسن من كل أدوات التجميل الفرنسية و السوسرية اللي ف العالم!
الاهتمام بالزوجة اللي طفحانة مرار معاك و مع عيالك ممكن مايكلفكش غير مفاجأة بسيطة كل فترة!
الاهتمام بالزوجة ممكن مايكلفكش غير فكرة بسيطة انت عارف انها هتفرحها!!
الاهتمام بالزوجة ممكن مايكلفكش غير نص ساعة ف العربية او الميكروباص......... و تمن بووت شمواه!
الرجوع الى أعلى الصفحة اذهب الى الأسفل
عابرة سبيل
عضو جديد
عضو جديد
avatar

انثى
عدد المساهمات : 2378
نقاط : 2378
تاريخ الميلاد : 05/05/1995
تاريخ التسجيل : 20/12/2015
العمر : 23
العمل/الترفيه : طالبه

مُساهمةموضوع: رد: الاهتمام بالزوجة ممكن مايكلفكش غير نص ساعة ف العربية او الميكروباص....   الأحد فبراير 07, 2016 7:40 pm

السلام عليكم ورحمة الله وبركاته


جزاك الله خيرا على هذا الموضوع الرائع
الرجوع الى أعلى الصفحة اذهب الى الأسفل
ماما مرفت
نائبة المدير العام واستشارى المنتدى
نائبة المدير العام واستشارى المنتدى
avatar

انثى
عدد المساهمات : 6347
نقاط : 8775
تاريخ التسجيل : 16/08/2012
العمل/الترفيه : تخاف الله وتراقبه

مُساهمةموضوع: رد: الاهتمام بالزوجة ممكن مايكلفكش غير نص ساعة ف العربية او الميكروباص....   الثلاثاء مارس 01, 2016 3:15 pm

عابرة سبيل كتب:
السلام عليكم ورحمة الله وبركاته


جزاك الله خيرا على هذا الموضوع الرائع

وعليكم السلام ورحمة الله وبركاته

وجزاك بالمثل مرورك الاروع
الرجوع الى أعلى الصفحة اذهب الى الأسفل
 
الاهتمام بالزوجة ممكن مايكلفكش غير نص ساعة ف العربية او الميكروباص....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جمال سلمى الاسلامية العامه  :: المنتديات الاسلاميه :: همســـات وجـــدانيــه-
انتقل الى: