اجمل ماقيل عن مصرنا الحبيبه ,, جمــال ســلمى

بسم الله الرحمن الرحيم

قيل فى مصر الكثير .. و كتب عنها و تغنى بها الكثيرون .. ما رأيكم أن نسرد هنا أحلى ما قيل عن مصر سواء من أغنية أو قصيدة ..

منها :

لم تنزل الشمس ميزانا و لا صعدت فى عرشها الضخم واد مثل وادينا
(أحمد شوقى .. من قصيدة كبار الحوادث فى وادى النيل)

سحابة و ندهت ع الشمس قومى طلى علي الوادى
شوفى مصر الفراعنة في وادى و العالم فى وادى
ده المصرى فى الوادى الأخضر كان سابق زمانه
يتمشى فى مزارع قمحه وجناين رمانه
(من أغنية صوت بلادى)

قالولى بتحب مصر .. قلت مش عارف
أصل المحبة بسيطة و مصر تركيبة
و مصر حلوة و مرة و شرحة و كئيبة
دانا اختصر منصب الشمس وأقول شمعة
ولا اختصر مصر وانده مصر يا حبيبة
(تميم البرغوثى .. من قصيدة قالولى بتحب مصر)

يا مصر و انتى الحبيبة
و انتى اغترابى و شقايا
دانتى الجراح الرهيبة
و انتى اللى عندك دوايا
(أحمد فؤاد نجم . من قصيدة (يامه مويلى الهوا))

أنا ان قدر الاله مماتى لا ترى الشرق يرفع الرأس بعدى
(الشاعر ابراهيم ناجى من قصيدة مصر تتحدث عن نفسها)

مصر التي في خاطري و في دمي. أحبها من كل روحي و دمي.

وقف الْخـلقُ ينظرون جَميعًـا كيف أبني قواعد المجد وحدي
وبُنـاةُ الأهرام في سـالفِ الدهـر كَفَوْني الكلامَ عِندَ التحدِّي
أنا تاجُ العَلاءِ في مَفْرِقِ الشر قِ ، و دُرَّاتُــهُ فـرائدُ عِقــدي
إن مجدي في الأُولَياتِ عريقٌ مَن له مِثلُ أُولَيـاتي ومَجدي
أنـــا إن قـــدَّرَ الإلهُ مَمـــاتي لا ترى الشرقَ يرفعُ الرأسَ بعدي

مصر يااما يا بهية
يام طرحة وجلبية
الزمان شب وانت شبة
هو رايح وانت جية
(قول الشاعر اظن احمد فؤاد نجم)

وأنا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
بحبك وحبك شهادة ميلاد
عيونك شواطى الأمل والميعاد
ولما تهز الرياح فى نخيلك
وتدمى الجراح
الجراح مواويلك
ميدبلش ضيك
ميخلصش زيت قنديلك
يغيب ياما قمرك
وتشرقى تانى فى ليلك
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
وانا حرف تايه فى اسمك
لون صغير فى رسمك
وانا خيط فى شمسك
فى همسك
فى بكرة اللى جاى قريب
وانا ويا شمس المغيب باغيب وانتى بتشرقى
بتكدب الحقايق فى العالم الغريب وانتى بتصدقى
يابلادى
يابلادى
يابلادي
(شمس المغيب للرائع عبد الرحيم منصور)

على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
بحبها بعنف وبرقة وعلى استحياء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

اغنية هيلا هيلا هيلا
هيلا هيلا هيلا
انا كنت فين لما شيبتى
انا هنت لما انتى هنتى
من تانى اديكى اتولدتى
هيلا هيلا هيلا
اللى بناكى ما ماتشى
امشى يا ازميله امشى
وانقش جبين الاصيله
هيلا هيلا هيلا
ايدين بتحضن ايدين
تحيى اللى مات من سنين
والصبر مش ابن ليله
هيلا هيلا هيلا
جوه ديوان المظالم
بيحكى محكوم لحاكم
عن اليالى الكحيله
هيلا هيلا هيلا
لانزل سلالمك برجلى
واطاطى لجل اعلى
مش لجل حيلتى القليله
هيلا هيلا هيلا
ولابد يا مصر تنزلى
وتشربى من بير يوسف
شمسك
امسك
مدك
يدك

بيينا يا مصر
نحيى الماضى
بروح العصر

دى مصر أرض الأحباب
أرض كل الأنبياء
أرض تجمع صحاب
هتلاقى فيها كل الحياة
حياتنا اللى عشناها
من يوم ما شفناها
وفتحنا عنينا عليها عشقناها
وبرضه حنغمض عنينا ....وإحنا بنهواها

مصر الأمل ..
شعب عمل ..
على حب مصر تربت خطاه
مصر العظيمة ..
أرض كريمة ..
حضارة شعب أنار الحياة
عشقناك مصر عطاءا سخيا
و فى الحادثات سلاحا عتيا

والى لقاء مع مجموعة جديده عن أجمل ماقبل فى قلب العروبة النابض ( أم الدنيــا ) مصرنا الحبيبـــه

كلمات ليست ككل الكلمات
كلمات منها من عبق التاريخ ومنها ما هو حاضرنا
مصر يا حبيبتي فلتحيي في قلوبنا
مصر لا تدمعي فالنصر اكيييد
مصر احبك جدا جدا

بوركت استاذ جمال سلمي

» وتتوالا المؤامرات على مصرنا الحبيبه
» مالنا والسياسه ,, جمــال ســلمى
» آفة المجتمعات الأسلاميه .. جمــال ســلمى ,
» المرأه فى الاسلام ,, جمــال ســلمى
» سيجال مع المتنبى ,, جمــال ســلمى